Psa 52 | YON | STEP | Yook ambo bi ye karub yeman. Maskil ye yook Dewidbed wongkoon. Idomman Doegbed Sauliib yaa wenene yedmenoon, “Dewid kuu Ahimelek yambiwoom wonoon” andoon kumbed wongkoon. Aromkonoman, eb komande arewa kami yaa kerengkan kamimaab? God ye womoniyiibban ye mimyob dowaken kuu amgimombed wene amnoom kwane angkimbirimaan.

Psalms 52

Yook 52

Yook ambo bi ye karub yeman.Maskil ye yook Dewidbed wongkoon. Idomman Doegbed Sauliib yaa wenene yedmenoon, “Dewid kuu Ahimelek yambiwoom wonoon” andoon kumbed wongkoon.

1 Aromkonoman, eb komande arewa kami yaa kerengkan kamimaab?
God ye womoniyiibban ye mimyob dowaken kuu amgimombed wene amnoom kwane angkimbirimaan.
2 Eb ong kuu monmari yeman nuubnaan kamimaan.
Ye kuu yukud ye arud kwane.
Eb kuu birandi kerekmen yaambed dakmimaab kui.
3 Eb kuu arewa kami yaa dowaken kerimaab, amun kami yaa arebban,
kwane eb kuu dudi weng dakmi yaa dowaken kerimaab, weng anam dakmi yaa arebban.Selah
4 O birandi ye karub,
eb kuu yewed kondi weng yaamo dowaken kerimaab.
5 Kwana kowe, eb kuu eb kombon ambiwoom aromkonomo awine karangkaneeb kumban,
Godbed awinebde bingewande biringke biangkande irindore aron korem ye monmarimbon yiri kubunaneen.
Eb kuu yembed nen wad doriibdan yi okad arimbed biande koraraneen kui.Selah
6 Kwane, yorokmodan kuu wedme unenib
ye yaa ambon kamene yedmaniib,
7 “Karub kee Godbed kukbimaanbon aombed dobirindo,
ye kuu ne yiribman yaambed yonene yiminmo dobaraniin andene
yena yaa monmari ye kiwaan aromkonomo wonoon.” andaniib.
8 Kumban ne kuu God yambiwoom at olif
biid awene amun amun kamemoon areb kwane kamiin.
Ne kuu God ye womoniyiibban ye mimyob dowaken kuyaambed yone dobaraniin aron korem korem.
9 O God, ebbed komo komo kamenabewen kuyaa kuu aron korem eso andimamaniin,
kwane eb kuu amun kowe eb ande meedmaniin,
eb karadmodan yi arinambo arimbed.